Friday, July 13, 2018

మీ జీవితాన్ని మార్చే STOP టెక్నిక్

  • ప్రతిరోజూ ఒక సమయానికి ఆహారం తీసుకోవడమనే అలవాటును చేస్తే ఆ సమయానికి ఆకలి పుడుతుంది. అలాగే మనసుకీ ఆకలి కలగాలి. ఈ మనస్సులో కలిగే మానసిక ఆకలి తృష్ణకు సమయంతో పని లేదు. ఆలోచించడం ద్వారా మనమే ఈ ఆకలిని సృష్టించుకోవాలి.
  • ప్రతీ 20 నిమిషాలు లేదా ఒక నిర్ధిష్టమైన సమయాన్ని నిర్ణయించుకుని ఒక అలారం మన సెల్ ఫోన్ లో పెట్టుకుని మన లక్ష్యాలను గుర్తు చేసుకుంటూ ఉత్తేజపరచుకుంటూ వుంటే నిర్లిప్తత, నిరాశ ఎప్పటికీ మనసులో చేరవు.
  • పెద్ద లక్ష్యాలను నిర్ధేసించుకుని వాటిని చిన్న, చిన్న లక్ష్యాలుగా విభజించి పనులను పూర్తి చేస్తే మనలో ఎంతో ఉత్సాహం కలుగుతుంది. పెద్ద సైజులో ఉండే ఏ పండునైనా తినాలంటే ఒక్కసారిగా మొత్తం పండును తినలేమ్. ముక్కలు చేసుకుని ఒకొక్క ముక్కను తింటూ మొత్తం పండును ఆరగిస్తాం.
 ఇటువంటి ఎన్నో అమూల్యమైన విషయాలు "Nov:2015-సైకాలజీ టుడే" మాసపత్రికలో వచ్చాయి. వీలయితే తప్పక ఆ పత్రిక చదవండి.

Saturday, June 30, 2018

జీవితానికి అడ్జస్ట్ మెంట్ కావాలి!

జీవితంలో పైకి రావాలంటే ప్రతిభా,పనితనం మాత్రమే సరిపోవు.ఎప్పటికప్పుడు ఎమోషన్స్ ని అదుపు చేసుకుపోతూ అడ్జస్ట్ మెంట్ అలవాటు చేసుకోవాలి. ఇటువంటి విషయాలు చెప్పడానికి,రాయడానికి బావుంటాయని అనుకోకండి.అక్షరాలా అద్భుతాలు చేసినవారెందరో ఉన్నారు.
   అటువంటి వారిలో మన భారతీయ క్రికెట్ దిగ్గజం సచిన్ టెండూల్కర్ ఒకరు. 16ఏళ్ల వయస్సులోనే టెస్ట్ మ్యాచ్ రంగంలో దిగి,24 సంవత్సరాల పాటు నిర్విరామంగా, నంబర్ వన్ గానూ ఆడుతూ 100సెంచరీలు చేసి, ఇటు ప్రజలు అటు ప్రభుత్వం గుర్తింపు పొంది అత్యంత ప్రతిష్టాత్మకరమైన "భారతరత్న" బిరుదును పొందారు.రాజ్యసభలో సభ్యుడిగా గౌరవింపబడ్డారు. లిటిల్ మాస్టారుగా ప్రపంచంలో ఎందరికో అభిమాని అయ్యాడు.
     అయితే ఇంతకీ విషయమేమిటంటే ఈ లిటిల్ మాస్టర్ తన కెరీర్ లో అడుగదునా అడ్డంకులు ఎదుర్కొన్నాడు. కానీ లక్ష్యం గుర్తుంచుకుని అన్నిటికి అడ్జస్ట్ అయ్యానని ఆయన తన పుస్తకం "ప్లేయింగ్ ఇట్ మై వే" ఆటో బ్రయోగ్రఫీలో వెల్లడించారు.కొంతమంది పాత ప్లేయర్లతో ఆయన ఎలా అడ్జెస్ట్ అయ్యాడు. భారత క్రికెట్ కోచ్ గ్రెగ్ చాపల్ తనను ఎలా ఇబ్బంది పెట్టాదో సవివరంగా వర్ణించాడు. ఈ పుస్తకం ఏదో సంచలనం సృష్టించాలని రాయలేదు. పైగా ఆయనకు రావాల్సిన బిరుదులు,సత్కారాలు,ఐశ్వర్యం అంటూ ఏదీ లేదు.పైగా తను ఎన్నో దానాలు,గుప్తదానాలు చేశాడు.

Friday, June 22, 2018

మంచి పుస్తక పఠనానికున్న మహత్తర శక్తి గూర్చి మహనీయుల అభిప్రాయాలు.

మంచి పుస్తక పఠనానికున్న మహత్తర శక్తి గూర్చి మహనీయుల అభిప్రాయాలు.

The views of the Mahanites about the great power of good book reading-1
1.ఒక మంచి బ్యాంకులో కంటే ఒక మంచి పుస్తకంలో ఎక్కువ సంపద ఉంటుంది. - రాయ్ యల్ స్మిత్.

The views of the Mahanites about the great power of good book reading.2

2.మీరు నాకన్నా ధనవంతులు ఎన్నటికీ కాలేరు.ఎందుకంటే చదివి వినిపించే తల్లి నాకుంది - ఎబిగెయిల్ నాన్ బ్యూరన్


The views of the Mahanites about the great power of good book reading.3

3.నేను పుస్తకాలు కనుగొన్నాను కనుక నిజంగా జీవిస్తున్నాను.- ఆర్చీ మూర్

The views of the Mahanites about the great power of good book reading.4
4.భూమికి సూర్యుడు ఎటువంటి వాడో నా జీవితానికి పుస్తకాలు అటువంటివి -ఎర్ల్ నైటింగేల్

The views of the Mahanites about the great power of good book reading.5
5.చదువు ద్వారా మన ప్రపంచాన్ని మన చరిత్రను మనలను మనం ఆవిష్కరించుకుంటాం. - డేనియల్ జె. బూరిస్టిన్

The views of the Mahanites about the great power of good book reading.6

6.అనేక సందర్భాలలో ఒక పుస్తక పఠనం మనిషి భవిష్యత్తును రూపుదిద్దింది.-రాల్ఫ్ వాల్డో ఎమర్సన్

The views of the Mahanites about the great power of good book reading.7
7.పుస్తకాలు లేకుండా ఈ రోజు ఈ స్థానాన్ని నేను ఊహించలేను.పుస్తకాలు స్వేచ్చకు పర్యాయపదాలుగా మారాయి.మీరు తలుపులు తెరిచి నడవవచ్చని అవి చెబుతాయి.- ఓప్రా విన్ ఫ్రీ.

Wednesday, June 20, 2018

ఫేక్ న్యూస్ లపై గూగుల్ యుద్ధం... | Google War on Fake News ...

Google-to-train-Indian-journalists-on-how-to-debunk-fake-news-45454654545.jpg

ఫేక్ న్యూస్ లపై గూగుల్ యుద్ధం... | Google War on Fake News ...

ప్రస్తుతం సమచార వెల్లువ కొనసాగుతున్న సంగతి తెలిసిందే. సోషల్ మీడియాలో తప్పుడు సమాచారం - పుట్టలు పుట్టలుగా పుట్టుకొస్తున్న వెబ్ సైట్లు - బ్లాగ్ ల వల్ల తప్పుడు వార్తలు బాగా ప్రచారమవుతున్నాయి. ఈ క్రమంలో అలాంటి సమాచారం - వార్తలు జనాలకు ఇబ్బందులను తెచ్చిపెడుతున్నాయి. దీంతో ఇలాంటి తప్పుడు వార్తలను తెలుసుకునేందుకు - మరింత నాణ్యమైన సమాచారాన్ని ప్రజలకు అందించాలనే ఉద్దేశ్యంతో జర్నలిస్టులకు సాఫ్ట్ వేర్ దిగ్గజ సంస్థ గూగుల్ ఉచితంగా ట్రెయినింగ్ ఇచ్చేందుకు సిద్ధమైంది.

గూగుల్ భారత్ లో ఉన్న జర్నలిస్టులకు ఉచితంగా ట్రెయినింగ్ ఇవ్వాలని సంకల్పించడం వెనుక పలు కారణాలు ఉన్నాయి. నిజ నిర్ధారణ - ఆన్ లైన్ లో పరిశీలన - జర్నలిస్టులకు డిజిటల్ విజ్ఞానం వంటి అంశాలు జర్నలిస్టులకు సవాల్గా మారాయి. ఈ నేపథ్యంలో ఫస్ట్ డ్రాఫ్ట్ - స్టోరీఫుల్ - ఆల్ట్ న్యూస్ - బూమ్ లైవ్ - ఫ్యాక్ట్ చెకర్ - డేటా లీడ్స్ వంటి ప్రతిష్టాత్మక సంస్థలకు చెందిన నిపుణులు రూపొందించిన అంశాలను శిక్షణ కార్యక్రమం రూపంలో బోధించనున్నారు. 'గూగుల్ న్యూస్ ఇనిషియేటివ్' పేరిట దేశంలో ఉన్న జర్నలిస్టులకు గూగుల్ ప్రత్యేక వర్క్షాపుల్లో ట్రెయినింగ్ ఇవ్వనుంది. మరో ఏడాదిలోగా మొత్తం 8వేల మందికి ఈ ట్రెయినింగ్ ఇవ్వనున్నారు. ఇంగ్లిష్ - హిందీ - కన్నడ - తమిళం - తెలుగు - మరాఠీ - బెంగాలీ భాషలకు చెందిన జర్నలిస్టులకు ట్రెయినింగ్ ఇస్తారు. ఈ భాషలకు చెందిన ఔత్సాహికులైన జర్నలిస్టులు https://goo.gl/Ttur3b అనే వెబ్ సైట్ ను సందర్శించి అందులో ఉండే దరఖాస్తు ఫాంలో వివరాలను నింపి ట్రెయినింగ్ పొందేందుకు ఫాంను సబ్మిట్ చేయవచ్చు. ఇందుకు గాను ఇంగ్లిష్ కు జూలై 5వ తేదీ వకు - హిందీ - కన్నడ - తమిళ్ జర్నలిస్టులకు జూలై 15వ తేదీ వరకు గడువిచ్చారు. అలాగే తెలుగు - మరాఠీ - బెంగాలీ భాషలకు చెందిన జర్నలిస్టులకు సెప్టెంబర్ 15వ తేదీ వరకు గడువు విధించారు. ఆ గడువులోగా ట్రెయినింగ్ కోసం దరఖాస్తు చేసుకోవాలి. అందులో అర్హత ఉన్నవారిని ఎంపిక చేసి ఉచితంగా ట్రెయినింగ్ ఇస్తారు.

ట్రెయినింగ్ లో భాగంగా జర్నలిస్టులకు ఉచిత రవాణా - భోజన సదుపాయాలతోపాటు స్టయిఫండ్ కూడా ఇస్తారు. ఇక ట్రెయినింగ్ సమయంలో జర్నలిస్టులకు పలు రకాల నూతన తరహా సాఫ్ట్వేర్ల గురించి అవగాహన కల్పిస్తారు. వాటి సహాయంతో వార్తలను ఎలా సేకరించాలి - నకిలీ వార్తలు - సమాచారాన్ని ఎలా గుర్తించాలి అనే విషయాలపై జర్నలిస్టులకు అవగాహన కల్పిస్తారు. అలాగే ట్రెయినింగ్ మొదటి దశలో మొత్తం 200 మంది జర్నలిస్టులకు శిక్షణనిస్తారు. శిక్షణ తరగతులు జరగనున్న తేదీలు - ప్రదేశాల వివరాలు ఇలా ఉన్నాయి.

* తెలుగు - నవంబర్ 19 నుంచి 22 వరకు - హైదరాబాద్ - దరఖాస్తుకు చివరి తేదీ సెప్టెంబర్ 15

* ఇంగ్లిష్ - జూలై 20 నుంచి ఆగస్టు 3 వరకు - గురుగ్రామ్ - దరఖాస్తుకు చివరి తేదీ జూలై 5

* హిందీ - ఆగస్టు 20 నుంచి 24 వరకు - గురుగ్రామ్ - దరఖాస్తుకు చివరి తేదీ జూలై 15

* కన్నడ - ఆగస్టు 27 నుంచి 31 వరకు - బెంగళూరు - దరఖాస్తుకు చివరి తేదీ జూలై 15

* తమిళం - సెప్టెంబర్ 17 నుంచి 22 వరకు - చెన్నై - దరఖాస్తుకు చివరి తేదీ జూలై 15

* బెంగాలీ - జనవరి 15 నుంచి 19వ తేదీ వరకు - కోల్ కతా - దరఖాస్తుకు చివరి తేదీ సెప్టెంబర్ 15

* మరాఠీ - డిసెంబర్ 3 నుంచి 7 వరకు - ముంబై - దరఖాస్తుకు చివరి తేదీ సెప్టెంబర్ 15

Wednesday, April 25, 2018

పరమ నీచులారా...ఆడపిల్లలను బ్రతకనివ్వరా?

రాత్రి సరదాగా Youtube చూద్దామని ఓపెన్ చేస్తే క్రింది వీడియో కనిపించింది. మనస్సంతా ఆవేదనతో నిండిపోయింది.

ఏమిటీ దారుణాలు? ఇక ఆడపిల్లలను బ్రతకనియ్యరా? అసలు ఇటువంటివారిని ఏమి చేయాలి?
నిర్భయ,ఆసిఫా... ఇలా ఎంతోమంది అమ్మాలు బలి కావాల్సిందేనా? మన చట్టాలు ఎందుకూ పనికిరావా? ఒకవేళ నేరస్తులు దొరికినా ఎందుకంత కాలయాపన? ఒక ఆడపిల్ల ధైర్యం చేసి తనపై అత్యాచారం జరిగిందని కేసు పెడితే శిక్ష విధించడానికి రెండు,మూడు సంవత్సరాల సమయమా? అప్పటివరకూ భాధితులు తనకు న్యాయం జరుగుతుందా, లేదా అని ఎదురుచూడాల్సిందేనా? తీర్పు వెలివడే వరకూ నేరస్తులకు బయపడి బిక్కు,బిక్కుమంటూ బ్రతకాల్సిందేనా? ఇలా అయితే మనకీ చట్టాలూ,కోర్టులూ ఎందుకు?

మనపై ఏదైనా జంతువు దాడి చేస్తే మనం రక్షించుకోవడానికి దానిని చంపుతాం. ఒకవేళ వీలు కాకపొతే మనచుట్టూ నలుగురు సమయానికి వస్తే ఆ మృగాన్ని చంపుతారు.

ఈ రేపిస్టు వెధవలు అడవి మృగాలకంటే క్రూరమైన వాళ్ళు. వీళ్ళనసలు ఉపేక్షించకూడదు. వీళ్ళు ఒకవేళ అటువంటి దారుణాలు ఒడిగట్టి ప్రజల చేతికి చిక్కితే చావగొట్టి పోలీసులకి అప్పగించే బదులు చంపేసి అప్పగిస్తే బాగుంటుంది. ఈవిధంగానైనా భారతమాత సంతోషిస్తుంది. ఈవిధంగా చట్టాలను రూపొందించాలి. ఎందుకంటే వీళ్లలో కొంతమందికి చీమూ,నెత్తురు,సిగ్గూ,శరం లేని కొంతమంది సన్నాసి వెధవలు పెద్దమనుషుల ముసుగులో కూర్చుని భక్షిస్తూ ఉన్నారు. ఈ రేపిస్ట్ మృగాలను కాపాడుతూ ఉంటారు. నిజానికి అత్యాచారం కేసులు ఎక్కువుగానే ఏమీ తేలకుండా కాలగర్భంలో కల్సిపోతూనే ఉన్నాయి.

ఇటువంటి పరిస్థితులు కూడా ఉన్నప్పుడు ఈ మృగాలకు అడ్డుకట్ట ఎలా వేయగలం?
నిజానికి చట్టాలంటే భయం లేకుండా చేసేది కూడా రాజకీయ నాయకులే. ఇక ఈ చట్టాలు ప్రజాప్రతినిధులకే లెక్క లేనప్పుడు ఇక ఈ రేపిస్ట్ మృగాలు ఎలా భయపడతాయి?

ఎక్కడి దొరికిన మృగాన్ని అక్కడ చంపేయడమే సమాజానికి మేలు.మన ఆడపిల్లలకు బ్రతుకు. దీనికి మీరేమంటారు?

Monday, April 23, 2018

Ramakrishna Veeramachaneni after Mantena Satyanarayana Raju | మంతెన సత్యనారాయణ రాజు తరువాత వీరమాచనేని రామకృష్ణ.

Ramakrishna Veeramachaneni after Mantena Satyanarayana Raju
వీరమాచనేని రామకృష్ణ గారి షుగర్ ఇతరత్ర వ్యాధుల యొక్క వైద్యం గురించి ఈమధ్య మీడియాలో తెగ హల్చల్ చేస్తున్నాయి. కొందరు సూపరంటే కొందరు డేంజర్ అంటున్నారు. ఇలా ఆయన దగ్గర ట్రీట్మెంట్ తీసుకున్న వారు ప్రయోజనం కలిగిందని అంటుంటే.. అస్సలు ఆ సలహాలే తీసుకోనివారు వీరమాచనేని వైద్య సలహాలు చాలా ప్రమాదకరమని గట్టిగా వాదిస్తున్నారు. ఆఖరికి వీరమాచనేనిని సమర్ధించిన వారిపై కూడా కొంతమంది తమతమ బ్లాగుల్లో తీవ్ర పదజాలంతో విరుచుకుపడుతున్నారు.

నిజానికి ఎందులో ప్రమాదం లేదు. మనం తినే పుడ్ లోనే ఎన్నో కల్తీలు జరిగిపోతున్నాయి. దాని కారణంగా మనలో ప్రతి ఒక్కరూ ఎన్నో అనారోగ్య సమస్యలు ఎదురుకోవడంతోటే సరిపోతుంది. ఈ మందు కాకపొతే మరో మందు. దాని వలన నయం కాకపొతే మరో కొత్త మందు. ఇంగ్లీష్ మందులు, ఆయుర్వేదం మందులు, అల్లోపతి,హోమియోపతి, యునాని ఇలా మనిషి వాడుతూనే ఉన్నాడు. దేని వలన తనకి ఉపయోగం కలిగిందో అదే నిజమని నమ్ముతున్నాడు. వీరమాచినేని ఆరోగ్య సూత్రాలు కూడా ఇటువంటివే. నమ్మకం ఉన్న వాడు నమ్ముతూనే ఉంటాడు. దీని మాత్రం చేత భవిష్యత్ లో ఇలా అయ్యిపోతుంది, అలా అయ్యిపోతుందని వాపోడం అనవసరం. నిజానికి మనం తినే తిండి, మనం మింగే మందులూ అన్నీ హానికరమే.

కొన్నాళ్ళ క్రితం మంతెన సత్యనారాయణ రాజు గారు కూడా ఆహార నియమాలు చెప్పేవారు. ఆయనగారి మాటలకు ఎంతోమంది ప్రభావితం అవడమే కాదు, ఆయన చెప్పిన ఆహార నియమాలు కూడా తు.చ. తప్పకుండా పాటించేవారు కూడా. అప్పట్లో కూడా ఆయన ఆహార నియమాలు గిట్టని వారు మంతెన సత్యనారాయణ రాజు  మనుషులను పశువుల మాదిరిగా మార్చేస్తున్నాడని అతి తీవ్రంగా విమర్శించే వారు కూడా. తరువాత కాలంలో ఆయన మాయమయ్యిపోయారు. ఆయనకు ఏం జరిగిందో నాకర్ధం కాలేదు.

అయినా వీధి,వీధికి ఒకొక్క మద్యం దుకాణం వెలసి ఏదో కోణంలో అందరి ఆరోగ్యాన్ని అంతమొందిస్తున్న ఈరోజుల్లో "మంతెన సత్యనారాయణ రాజు, వీరమాచనేని రామకృష్ణగారి లాంటివాళ్లు ఎంతమంది వస్తే ఉపయోగమేముంటుంది చెప్పండి?

Friday, April 13, 2018

శక్తి యొక్క 48 సూత్రాలు.

కొందరు అధికారంతో,శక్తితో ఆడుకుంటారు.ప్రాణాంతకమైన ఒక పొరపాటువల్ల తమ శక్తి మొత్తం పోగొట్టు కుంటారు.కొందరు అవసరమైనదానికన్నా ముందుకి వెళ్లిపోతే,మరికొందరు అవసర మైనంత మేరకి కూడాముందుకు పోలేరు. కానీ అతి తక్కువమంది సరైన పనులు చేసి,ఎంతో తెలివిగా శక్తిమంతులవుతారు.
శక్తి యొక్క 48 సూత్రాలు ఆధునికయుగంలో జిత్తులని ఉపయోగించి స్వార్ధప్రయోజనాలని సాధించటానికి పనికి వచ్చే మార్గదర్శి.మీరు ఇంతవరకు కొన్న పుస్తకాలన్నిటిలోకి ఇదే ఎంతో ఆసక్తికరమైనదీ,ఉపయోగకరమైనదీ కావచ్చు.
ఈ పుస్తకాన్ని రాబర్ట్ గ్రీన్ [లాస్ ఏంజిల్] గారు రచించారు.తెలుగులోకి ఆర్.శాంతసుందరి గారు తర్జుమా చేసారు.ముఖ్యముగా ఈ పుస్తకం మనిషి జీవితంలో నెగ్గుకు రావాలంటే ఏమి చేయాలి? శిఖరంపైకి ఎలా చేరుకోవాలి? అక్కడే ఎలా ఉండాలి? వంటి ఎన్నో ప్రశ్నలకు 48సూత్రాలతో ఎంతో విడమర్చి చెప్పడం జరిగింది.నేను కేవలం 48సూత్రాలు అందిస్తాను.వాటిని జీవితంలో ఎలా ఉపయోగించుకోవాలో తెలియాలంటే మీరు ఆ పుస్తకాన్ని చదవాల్సిందే.
ప్రతి సూత్రాన్ని 1.వివేకం, 2.శక్తిని పొందే కీలకం, 3.చిత్రం [ఉదాహరణ] అనే మూడు విధాలుగా ఒకొక్క సూత్రాన్ని వర్ణించిన తీరు అద్భుతంగా వుంది.
శక్తి యొక్క 48 సూత్రాలు 
1.బాస్ ని మించినట్టు ప్రవర్తంచవద్దు
2.మిత్రులని అతిగా నమ్మవద్దు,శత్రువులని ఎలా ఉపయోగించుకోవాలో నేర్చుకోండి
3.మీ ఉద్దేశాలని దాచిపెట్టండి
4.అవసరమైన దానికన్నా తక్కువే మాట్లాడండి
5.పేరు ప్రతిష్ఠలు మీదే ఎంతో ఆధారపడి ఉంది-ప్రాణ సమానంగా కాపాడుకోండి
6.ఏది ఏమైనా సరే అందరి దృష్టిని ఆకట్టుకోండి
7.మీ పని ఇంకొకరి చేత చేయించండి,కాని పేరు ఎప్పుడూ మీకే దక్కేట్టు చూసుకోండి
8.ఇతరులని మీ దగ్గరకి రప్పించుకోండి-అవసరమైతే ఎరని ఉపయోగించండి
9.వాదనతో కాదు,మీ చేతలతోనే గెలవండి
10.అంటువ్యాధి : దురదృష్టవంతులకి దూరంగా ఉండండి.
11.ఇతరులు మీమీద ఆధారపడేలా ఎలా చేయాలో నేర్చుకోండి
12.నిజాయితీని,ఉదారతను జాగ్రత్తగా ఎంచుకోండి
13.సహాయం కోరేటప్పుడు,అవతలివారి దయనీ,కృతజ్ఞతనీ ఆశించవద్దు.
14.స్నేహితుడిలా నటించండి,గూఢచారిలా పని కానివ్వండి.
15.మీ శత్రువుని పూర్తిగా అణచివెయ్యండి
16.గౌరవాన్ని సంపాదించేందుకు అంటీముట్టనట్టుగా ఉండండి
17.అవతలివారిని ఉత్కంఠకు గురిచేయండి.ముందుగా ఊహించటానికి వీలులేని వాతావరణాన్ని సృష్టించండి.
18.ఆత్మరక్షణకోసం కోటలు కట్టుకోకండి-ఏకాంతవాసం ప్రమాదకరమైంది.
19.మీరు ఎవరితో వ్యవహరిస్తున్నారో తెలుసుకోండి-పొరపాటున తప్పుచేయని వ్యక్తికి కోపం తెప్పించకండి.
20.ఎవరికీ నిబద్ధుడై ఉండొద్దు.
21.మూర్ఖుడిగా కనిపించటంకోసం,మూర్ఖుడిలా ప్రవర్తించండి-మీ ముందున్నవ్యక్తికన్నా అమాయకుడిలా నటించండి.
22.లొంగిపోవడం అనే యుక్తిని ఉపయోగించండి:బలహీనతను శక్తిగా మార్చుకోండి.
23.మీ శక్తులన్నీ ఒకచోట కేంద్రీకరించండి.
24.పరిపూర్ణుడైన ఆస్థానికుడి పాత్ర నిర్వహించండి.
25.మిమ్మల్ని మీరు కొత్తగా సృష్టించుకోండి.
26.మీ చేతులను శుభ్రంగా ఉంచుకోండి.
27.మిమ్మల్ని ఆరాధించే అనుచరుల బృదాన్ని తయారుచేసుకునేందుకు వాళ్ల నమ్మకాన్ని సంపాదించండి.
28.ధైర్యంగా పనిలో ప్రవేశించండి.
29.చివరిదాకా పూర్తి ప్రణాళికని వేసుకోండి.
30.మీ విజయాలు సులభంగా సాధించినవన్నట్టు కనిపించనీయకండి.
31.ఇతరుల నిర్ణయాలని నియంత్రించండి. మీరు పంచే పేకముక్కలలో ఇతరులు ఆడేటట్టు చూడండి.
32.అందరూ కనే పగటికలలని సమర్ధించండి.
33.ప్రతి వ్యక్తిలోనూ ఉండే బలహీనమైన అన్శాన్ని గుర్తించండి.
34.మీ పద్ధతిలో మీరు రారాజులా ఉండండి. రాజులాగౌరవం పొందాలనుకుంటే,రాజులా పని చెయ్యండి.
35.సరైన సమయం ఎంచుకునే కళలో నిష్ణాతులు కండి.
36.మీరు పొందలేని వాటిని తిరస్కరించండి. వాటిని అలక్ష్యం చెయ్యడమే అన్నిటికన్నా ఉత్తమమైన ప్రతీకారం.
37.ఆకట్టుకునే అద్భుత దృశ్యాలని సృష్టించండి.
38.మీకిష్టం వచ్చినట్టు ఆలోచించండి,కానీ అందరిలా ప్రవర్తించండి
39.చేపల్ని పట్టేందుకు నీళ్లని కదపండి
40.ఉచితంగా లభించేవాటిని తిరస్కరించండి
41.గొప్ప వ్యక్తిని అనుకరించటం మానండి.
42.గొర్రెల కాపరి మీద దాడి చేస్తే గొర్రెలు చెదిరిపోతాయి.
43.ఇతరుల హృదయాలనీ,మనసులనీ జయించండి.
44.అద్దం చూపించి సమ్మోహితులనీ,కోపోద్రక్తులనీ చెయ్యండి
45.మార్పు అవసరమని ఉపదేశించండి,కాని ఒక్కసారిగా మరీ ఎక్కువ సంస్కరించకండి.
46.మరీ నిర్దుష్టంగా ఉన్నట్టు కనబడకండి.
47.లక్ష్యాన్ని దాటి వెళ్లకండి,గెలిచిన తరవాత ఎక్కడ ఆగాలో తెలుసుకోండి.
48.నిరాకారులుగా తయారవకండి.
***********
అవసరమైన దానికన్నా తక్కువే మాట్లాడండి.ఈ పుస్తకం నేటి ప్రంపంచంలో ప్రగతి సాధించటానికి,ముందుకు దూసుకుపోవటానికి అవసరమయ్యే వంచన,నటన,పోరాట పటిమను మీకు నేర్పుతుంది.-ఇండిపెండెంట్ ఆన్ సన్ డే
Manjul Publishing House
  www.manjulindia.com 

Tuesday, March 27, 2018

సస్పెన్స్ తో ఆలోచనలను రేకెత్తించే సినిమా : Cleaner (Telugu Dubbed Movie)

అతని పని క్లీన్ చేయడం. ఎక్కడ ఏవిధమైన యాక్సిడెంట్ జరిగినా చిన్న రక్తపు బొట్టు కూడా కనిపించకుండా క్లీన్ చేస్తాడతను. అతని చేత ఒక అపరిచిత వ్యక్తీ మర్డర్ జరిగిన ప్రదేశంలో ఏవిధంగా అనుమానం రాకుండా అతని చేత క్లీన్ చేయించి అతని మీదే ఆ హత్యానేరాన్ని మోపాలని కుట్ర చేస్తాడు. దీని నుండి ఆ క్లీనర్ ఎలా బయట పడ్డాడన్నదే ఈ సినిమా! ఆద్యటం ఆసక్తిగా సాగుతుంది. మీకు వీలయితే ఆ మూవీ డౌన్లోడ్ చేసుకుని చూడండి.లింక్ క్రింద ఉంది.

Friday, March 16, 2018

పార్టీ కోసం జీవితాన్ని అర్పించిన అద్వానీ పట్ల మోడికి ఇంత కక్షా? | Why PM Narendra Modi Insult LK Advani on Stage?

తన సొంత పార్టీలోనే సీనియర్ లీడర్లను గౌరవించలేని మోడీ ఇక చంద్రబాబునాయుడిని ఏమి పట్టించుకుంటాడు? ఇక తెలుగోడిని ఏం లెక్క చేస్తాడు?

Why PM Narendra Modi Insult LK Advani on Stage?

ఎట్టకేలకు బిజెపితో తెగతెంపులు చేసుకున్న టిడిపికి, చంద్రబాబునాయుడు గారికి ప్రత్యేక అభినందనలు. | Special Tributes for the TDP and finally Chandrababu Naidu with the BJP.

ఆంధ్రాను నిలువునా మోసం చేసిన మోడికి బుద్ధి రావాలంటే అన్ని పార్టీలు కూడా బిజెపిని రాష్ట్రం నుండి బహిష్కరించాలి. దానితో సంబంధం ఉన్న ప్రతి పార్టీని కూడా బహిష్కరించాలి. అప్పుడే ఆంధ్రావోడి దెబ్బ ఏంటో తెలుస్తుంది.

Monday, March 12, 2018

నరేంద్ర మోడి "గుజరాత్ అల్లర్ల"లలో అమాయకులను ఊచకోత కోయించినప్పుడే ప్రధానిగా పనికిరాడని గుర్తించాల్చింది.

ఆంధ్రా పట్ల భారత ప్రధాని నరేంద్ర మోడి ప్రవర్తన చూస్తుంటే చాలా చిరాకు వేస్తుంది. చంద్రబాబు మీద పగ ఉంటే మరోలా తీర్చుకోవాలి. అంతే గాని ఆంధ్రా ప్రజలను పణంగా పెట్టడమేమిటి? హోదా కల్పించకుండా ఇబ్బందుల పాలు చేయడమేమిటి? ఈ అన్ని పార్టీలు (వైసిపీ,టిడిపి తో సహా) ఆంధ్రా వాళ్ళను ఎంతగా ఆడుకుంటున్నారు. ఆంధ్రాలోని బిజెపి నాయకులే హోదా ఇవ్వం, రాదు అంటుంటే ఇటువంటి చెత్త నాయకులను ఎన్నుకున్న మనం వీళ్ళను గెలిపించి ఎంత పెద్ద తప్పు చేసామో అర్ధమవుతోంది. టిడిపి ఇంతకాలం ఎదురుచూడకుండా ఉండాల్సింది. చంద్రబాబు కష్టజీవే నో డౌట్. చంద్రబాబంటే ఒక విజన్. అతని పని అతను చేసుకోనిస్తే అభివృద్ధి బాగుంటుంది. అతను పెట్టే ప్రాజెక్ట్స్ మన యువతకు గ్యారెంటీగా జీవనోపాధి కలిగిస్తుంది. కానీ ఏమి లాభం? అతని క్యాబిన్ లో అత్యధికులు తిమింగలం జాతికి చెందిన వారు పీక్కు తినడానికే వారున్నారు.

ఇక వైసిపీని చూస్తే ఇదసలు పార్టీయేనా అనిపిస్తుంది. వైసిపీ యాంకర్లు అయిన అంబటి, జబర్దస్త్ కామెడీ రాణి రోజా యొక్క డబ్బా వాగుడు చూస్తుంటే వీరు జగన్ ని మరింత దిగజారుడు స్థితికి పడేస్తున్నారు. బిజెపితో టిడిపి తెగతెంపులు చేసుకున్న వెంటనే వైసిపీ...బిజెపిని పెళ్లి చేసేసుకోవడం ఖాయం. ఇదే జరిగితే వైసిపికి, జగన్కి కేసుల గొడవ, కోర్టుల గొడవ కాంగ్రెస్ మళ్ళీ అధికారంలోకి వచ్చేవరకూ ఉండవు. హోదా అడ్డు పెట్టుకుని టిడిపిని ఇరుకున పడేసి తను సేఫ్ అవ్వాలని చూస్తుంది తప్ప వైసిపికి హోదా పట్ల చిత్తశుద్ధి కనిపించడం లేదు.

ఇంతకీ మనం 2019లో ఓటు ఎవరికి వేయాలి? అధికారం ఎవరికి కట్టబెట్టాలి?

Monday, February 19, 2018

మంచి,మంచి పుస్తకాలు చదవడం అలవర్చుకోండి.

Learn-to-read-good-and-good-books
ఈ పై మాట ఇప్పుడు ఎవరికీ చెవికెక్కదేమో? ఎందుకంటే మనుషుల్లో పుస్తకాలు చదివే అలవాటు అంతరించిపోయింది. అందరూ వీడియోలు చూడడానికే అలవాటు పడిపోయారు.

JIO పుణ్యమాని అందరి చేతుల్లో ఆండ్రాయిడ్ ఫోన్స్ వచ్చిన తరువాత పుస్తకాల పట్ల ఇంట్రస్ట్ పూర్తిగా తగ్గిపోయింది. ఇప్పుడు కేవలం Youtube లోకి వెళ్లి వెతికేసుకోవడం, వీడియోలు చూస్తూ నిమగ్నమయ్యిపోవడం జరుగుతోంది. దీని ప్రభావం ఆఖరికి బ్లాగులపై కూడా పడింది. బ్లాగ్ విజిటర్స్ చాలా వరకూ తగ్గిపోయారు.

పుస్తకాలు ఎప్పుడైతే చదవడం మానివేసామో అప్పుడు మన జ్ఞానం కూడా చాలా వరకూ అడుగంటిపోతూనే ఉందని చెప్పాలి. వీడియోలు చూడడం తప్పు కాదు. దాని వలన కూడా ఎంతో నాలెడ్జ్ సంపాదించుకోవచ్చు. కాని మేధావులు వ్రాసిన సాహిత్యం, వ్యక్తిత్వ వికాసపు పుస్తకాలు మనకు అక్కడ దొరకవు కదా? వాటితో పాటు ప్రతిరోజూ కొంత టైం పుస్తక పఠనానికి కూడా కేటాయిస్తే ఎంతో ప్రయోజనం జరుగుతుంది.

కాబట్టి మిత్రులారా మీ రోజువారీ టైములో కొంత సమయాన్ని పుస్తక పఠనానికి కేటాయించండి. ఎందుకంటే తల దించుకుని పుస్తకాలు అధ్యయనం చేస్తే మనల్ని తలెత్తుకుని తిరిగేలా చేస్తాయి ఈ పుస్తకాలు.
Learn to read good and good books.

Monday, February 12, 2018

కేవలం రూ.243 EMIతో బెస్ట్ షియోమి ఫోన్‌ని మీ సొంతం చేసుకోండి

చైనా మొబైల్ దిగ్గజం షియోమి ఇండియా మార్కెట్లో దుమ్మురేపుతున్న సంగతి అందరికీ తెలిసిందే. ఈ కంపెనీ నుంచి వచ్చిన ప్రతి ఫోన్ హాట్ కేకుల్లా అమ్ముడుపోతోంది. అమ్మకాల్లో ఓ కొత్త రికార్డును సృష్టిస్తోంది. కాగా ఇప్పుడు షియోమి ఫోన్లు రూ. 4999 నుంచి రూ. 62 వేల ధర వరకు ఉన్నాయి. కాగా ఈ ఫోన్లు కావాలనుకున్న వారికి ఇప్పుడు బెస్ట్ ఈఎమ్ఐ ఆఫర్లను కంపెనీ ప్రకటించింది. కేవలం రూ. 243 ఈఎమ్ఐతో మీకు నచ్చిన ఫోన్ ని మీ సొంతం చేసుకోవచ్చు. మీకు మరిన్నివివరాలు కోసం ఇక్కడ క్లిక్ చేయండి.

Tuesday, February 06, 2018

మనసును కంట్రోల్ చేసుకుంటే అంతా మంచే! ఒక చిన్న సంఘటనతో జ్ఞానాన్ని బోధించిన గౌతమ బుద్ధుడు!!

ఒకసారి బుధ్ధుడు తన శిష్యులతో కలిసి ప్రయాణం చేస్తున్నాడు.
ఇంతలో ఒక శిష్యుడిని పిలిచి,
"నాయనా, దాహంగా ఉంది, ఆ కనబడే చెరువునుంచి కొన్ని నీళ్ళు తీసుకురా" అని చెప్పాడు. అప్పుడే ఒక ఎద్దులబండి ఆ చెరువులోంచి వెళ్ళడం మూలంగా నీరు అంతా మురికిగా తయారయింది.
శిష్యుడు ఆ నీరు తేరుకొనేంతవరకు అలాగే కూర్చున్నాడు.
అరగంట సమయం గడిచింది.
చూస్తే నీరు ఇంకా మురికిగానే ఉంది.
మరో అరగంట సమయం వేచి చూసాడు.
నీరు తేరుకున్నాయి.
ఆ పైన ఉన్న నీరు తీసుకెళ్ళి బుధ్ధుడికి ఇచ్చాడు శిష్యుడు.
అప్పుడు శిష్యుని అనుమానం
" ఈ నీరు అంత మురికిగా ఉన్నా, ఎలా తేరుకుంది? నువ్వు కాసేపు దాని మానాన దాన్ని కదపకుండా ఉంచావు. అది నెమ్మదిగా మురికి కిందకుపోయి, స్వచ్చమైన నీరు పైకి తేరుకుంది.
మన మనసు కూడా అంతే.
ఒకసారి మనసులో ఆందోళన కలిగినపుడు దాని గురించి ఎక్కువగా ఆలోచించకుండా కొంతసేపు వదిలేయాలి.
కొంతసేపు గడిచేటప్పటికి చింత అనే మురికి అంతా అడుగుకు వెళ్ళిపోయి, మనసు స్వచ్చంగా మారుతుంది.
నీ మనసు తేలిక అవ్వడానికి నువ్వు ఏ ప్రయత్నమూ చేయవలసిన పనిలేదు.
కొంతసేపు అలా వదిలేస్తే, దానంతట అదే సద్దుమణుగుతుంది.
చక్కబడుతుంది.
మనశ్శాంతి పొందడం పెద్ద కష్టమైన పనేమీ కాదు.
మన ప్రయత్నం లేకుండానే జరిగిపోతుంది."
మీకు ఇష్టమైన వాళ్లను ఎప్పుడూ వదులుకోకండి.
వారు తప్పులు చేసారు అనుకుంటే, ఒక్క క్షణం వారితో మీరు గడిపిన అద్భుతమైన, ఆనందకరమైన క్షణాల గురించి ఒక్కసారి తలుచుకోండి.
ఎందుకంటే, పరిపక్వత కన్నా, అభిమానం ముఖ్యం.
మిమ్మల్ని మీరు కౌగలించుకోలేరు.
మిమ్మల్ని మీరు ఓదార్చుకోలేరు.
అందుకోసం ఖచ్చితంగా ఒకరి సహాయం ఉండాలి.
జీవితం అంటే ఒకరి కోసం ఒకరు బ్రతకటమే.
మీకు ఇష్టమైన వారి కోసం, మిమ్మల్ని ప్రేమించేవారికోసం బ్రతకండి. స్నేహం, ప్రేమ,
బంధుత్వాలు అనేవి డబ్బు భాష మాట్లాడేవారికి అర్థం కావు.
ఎందుకంటే కొన్ని పెట్టుబడులు మనకు కనిపించే లాభాలను ఇవ్వలేకపోవచ్చు, కాని మనలను సంపన్నుల్ని చేస్తాయి.
కుటుంబం, స్నేహితులు అలాంటి గొప్ప పెట్టుబడులు.....

Friday, January 26, 2018

Monday, January 15, 2018

Makara Sankranti wishes to all blog friends | బ్లాగ్ మిత్రులందరికీ మకర సంక్రాంతి శుభాకాంక్షలు

Makara Sankranti wishes to all blog friends | బ్లాగ్ మిత్రులందరికీ మకర సంక్రాంతి శుభాకాంక్షలు

Makara Sankranti wishes to all blog friends | బ్లాగ్ మిత్రులందరికీ మకర సంక్రాంతి శుభాకాంక్షలు

Thursday, January 11, 2018

Friday, January 05, 2018

ఒక అడుగు ముందుకు - రోజుకు పదిహేను నిమిషాల చదువు మీ జీవితాన్ని మార్చగలదు

ప్రతి రోజూ కొద్దిగా చదవడానికి నిర్ణయించుకో. అది ఒక వాక్యమే కావచ్చు. రోజుకు పదిహేను నిమిషాల వెచ్చించగలిగేతే, సంవత్సరాంతనికి ఫలితం స్పష్టంగా కనిపిస్తుంది. -హోరేస్ మాన్ (అమెరికన్ విద్యావేత్త)

పేట్ సాజక్ నిర్వహించే 'అదృష్టచక్రం' [wheel of fortune] ప్రపంచంలో ప్రేక్షకులు ఎక్కువ చూసే టీవీషోలలో ఒకటి. ఈ గేంషో ప్రపంచవ్యాప్తంగా 51 మార్కెట్లకు టెలికాస్టు అవుతుంది. పదికోట్లమంది ప్రేక్షకులు ప్రతివారం చూస్తారు.
ఇప్పటికీ 20 సంవత్సరాలుగా సాజక్ 'అదృష్ట చక్రం' షోని నిర్వహిస్తున్నాడు. కనుక అతను ఈ గేంలో నిపుణులు అని మనం నిస్సందేహంగా అనవచ్చు. ఒక ఇంటర్వూయర్ సాజక్ ను షోలో ఎక్కువ గెలుచుకోవడానికి కీలకమైనదేమిటి అని అడిగినప్పడు, సాజక్ ఇలా చెప్పాడు.
'ఇంతకు ముందు ఎవరికీ ఈ విషయం చెప్పలేదు. జనం దగ్గర చాలా డబ్బు ఉంటుంది. బోర్డు మీద ఎక్కువ అక్షరాలుండవు.. వాళ్లకు పజిల్ తెలియదు... అనేక ఖాళీ ప్రదేశాలుంటాయి... వాళ్లు చక్రం తిప్పుతారు... ఒక అచ్చు అక్షరం కొనడానికి బదులు తమకు తోచిన అక్షరాలు చెబుతారు. అచ్చు అక్షరం కొనకుండా అనేకమంది గేంలో నష్టపోవడం నేను చూశాను.' 
చదువు మీ అచ్చు [Vowel] అక్షరం 
పేట్ సాజక్ చెబుతున్నదేమిటో నేను అర్ధం చేసుకున్నాను. ఎందుకంటే నేను ఆ పేట్ చాలాసార్లు చూశాను. ఒక్కొక్కప్పుడు బోర్డు మీద చాలా కొద్ది అక్షరాలే ఉంటాయి. ఖాళీగా ఎక్కువగా ఉంటాయి. అప్పుడు పోటీదారులలో ఒకరు ఒక అచ్చు అక్షరాన్ని కొంటారు. వాన్నా వైట్ పని చెయ్యడం మొదలుపెడుతుంది. ఫ్లిప్... ఫ్లిప్ ...ఫ్లిప్ ... త్వరలోనే నేను ఒకటి రెండు పదాలు గుర్తించగలిగాను. కొంతసమయం గడిచేటప్పటికీ పోటీదారుడు ఎన్ని అక్షరాలు నింపేస్తాడంటే మాఇంటి కుక్క కూడా ఈ పజిల్ పరిష్కరించగలదు. ఈ పజిల్ పరిష్కరించడానికి కీలకం, పోటీదారుడు ఒక అచ్చు అక్షరం కొనడం ద్వారా ఒక అడుగు ముందుండడమే.
జీవితమే ఆటలో ఇదే సంభవిస్తుందని నేను అనుకుంటున్నాను. జనం తమ జీవితల్లో చాలా ఖాళీస్థలలతో ఒక పజిల్ చూస్తారు. అయితే, అధికసంఖ్యాక ప్రజల ఏం చేస్తారు? వాళ్లు తమ అదృష్ట చక్రం తిప్పడం మొదలుపెట్టి యాదృచ్ఛికంగా అక్షరాలు చెబుతుంటారు. 'ఇది ప్రయత్నిద్దాం.. కాదు ఇది... కాదు దాన్ని కొందా...'
హలో ... ఓ ...ఓ ...ఓ ... మిత్రులారా. యాదృచ్ఛికంగా అక్షరాలు చెప్పే పద్ధతికి స్వస్థి చెప్పాల్సిన సమయం వచ్చింది. ఒక అచ్చు అక్షరం కొనడం ద్వారా మీ జీవితంలో ఒక అడుగు ముందుకు వెయ్యాల్సిన సమయ౦ వచ్చింది... జీవితం అనే ఆటలో ఒక అచ్చు అక్షరం చదువు. క్లుప్తంగా చెప్పాలంటే, చదువు మీ జీవిత పజిల్ ను పరిశ్కాంచడంలో మిమ్మల్ని ఒక అడుగు ముందుంచుతుంది.
ఒక అడుగు ముందుకు అన్నప్పుడు, లాటరిలో విజయం సాధించడం, జిలియన్ డాలర్ల ఆస్థికి వారసుడు కావడం లాంటి బ్రహ్మాండమైన అంశం గురించి నేను మాట్లాడడం లేదు. నేను అడుగు ముందుకు అన్నప్పుడు, జీవితం అనే ఆటలో ఒక పెద్ద లాభం కలిగించే, మీరు మళ్ళీ, మళ్ళీ ఉపయోంచగల ఒక చిన్న వ్యూహం గురించి మాట్లాడుతున్నాను. నేను చెప్పేదానిని రుజువు చేసే రెండు గణాంకాలు ఈ దిగువనిస్తాను.
గణాంకం 1: 
ఏ నిర్దిష్ట సమయంలోనైనా, అమెరికన్లలో మూడవ భాగం దారిద్ర్యంలో జీవిస్తున్నారు.
ఒక అడుగు ముందుకు - రోజుకు పదిహేను నిమిషాల చదువు మీ జీవితాన్ని మార్చగలదు.
గణాంకం 2: 
హై స్కూల్ తర్వాత అమెరికన్లలో 37 శాతం మరో పుస్తకం ఎన్నడూ చదవరు.
ఈ గణాంకాల గురించి ఒక క్షణం ఆలోచించండి. ప్రపంచ చరిత్రలో అమెరికా అత్యంత అధికంగా సంపద కూడబెట్టిన దేశం. మనలో, ప్రతి ముగ్గురి లోనూ ఒకరు దారిద్ర్యంలో జీవిస్తున్నారు. ఇది దేశానికి అవమానం మనలో మూడవవంతు మంది, చరిత్రలో అత్యంత శక్తివంతమైన సాంకేతిక ముందంజ చదువు వలన లాభం పొందడానికి నిరాకరిస్తున్నాం.
మరోసారి చూద్దాం - మూడవవంతు దారిద్ర్యంలో... మూడవవంతు చదవనివారు. కాకతాళియమా? నేను అలా అనుకోవడం లేదు. కుటుంబ అక్షరాస్యత కొరకు జాతీయ కేంద్రం ప్రకారం, 4 కోట్ల యువకులకు ఒక సాధారణ ఫారం చదివి పూర్తిచేయ్యగల నైపుణ్యం లేదు. 5కోట్లు, భవిష్యత్తులో రాబోయే ఉన్నత సాంకేతిక ఉద్యోగాలకు సిద్దంగా లేరు. 29కోట్ల జనాభాలో, మొత్తం 9 కోట్ల యువకులు, తమ జీవితలను మెరుగుపరుచు కోవడానికి చదువు ఒక ముందడుగుగా వినియోగించుకోలేరు, వినియోగించుకోరు. ఇది జనాభాలో దాదాపు మూడోవంతు. వీళ్లు తమ జీవిత ఆటలో 'ఒక అచ్చు అక్షరం కొనడానికి' బదులు 'అక్షరలను యాదృచ్ఛికంగా చెబుతున్నారు.' చదవకుండా, ఆటలో ఓడిపోయే పరిస్థితిని స్వయంగా తెచ్చుకుంటున్నారు. 
మిత్రులారా, చదువు ఒక చిన్న ముందడుగు కావచ్చు. కానీ అది పెద్ద లాభాలను చేకూరుస్తుంది. రోజుకు 15 నిమిషాలు, లేదా అంతకన్నా మిలియన్ల ప్రజలకు లేకపోవడం సిగ్గుపడాల్సిన విషయం.
Related Posts Plugin for WordPress, Blogger...