Monday, February 29, 2016

ప్రజల హృదయాలలో మకుటం లేని మహారాజు చంద్రబాబే!

ఈమధ్య న్యూస్ పేపర్లలో వస్తున్న వార్తలు చూస్తుంటే ఒక పది సంవత్సరాలలో మన ఆంధ్ర ప్రదేశ్ భారతదేశంలోనే కాదు, ప్రపంచానికే ఆదర్శంగా, ఉన్నతంగా నిలబడేలా వుంది. రకరకాల ప్రాజెక్ట్స్ , వివిధ దేశాల మంత్రులు, నాయకులు మన ఆంధ్రాను చూస్తూ పెట్టుబడులు పెట్టడానికి ముందుకు రావడం శుభసూచకం. ఏమాటకామాటే చెప్పుకోవాలి ఇప్పుడున్న ముఖ్యమంత్రి స్థానంలో చద్రబాబు కాకుండా జగన్ వచ్చి ఉంటే ఆంధ్ర పరిస్తితి ఏవిధంగా ఉంటుందో ఊహించుకుంటేనే భయమేస్తుంది. వివిధ దేశాల మంత్రులు, నాయకులతో జగన్కు  సంబంధాలెక్కడివి? సాక్షి పేపర్లో ఒక ప్రాజెక్ట్ విషయం కానీ, ఆంధ్ర అభివృద్ధి గూర్చి గాని ఒక్క ముక్క రావడం లేదు. జగన్ కాస్త కుల,మత గొడవలు రెచ్చగొట్టడం ప్రక్కన పెట్టి ఆంధ్ర అభివృద్ధి కోసం చంద్రబాబుకు సహకరిస్తే తెలుగు ప్రజలు చక్కగా జగన్ ను కూడా ఆదరిస్తారు. ఇసుకను నిత్యావసర వస్తువుగా పరిగణించి ఉచితంగా ప్రకటించడం, 100రూపాయలకే ఇంటర్ నెట్ కనెక్షన్ ప్రకటించడం చాలా బాగుంది. చంద్రబాబు నాయుడుగారు ఇలా చేసుకుంటూ పోతే ఇక ఆయనకు ఎదురే ఉండదు. ప్రస్తుతం ఆంధ్రాలో సరైన పార్టీ లేదు. జగన్ పార్టీ ఉన్నా అదంతా మాయలమరాఠీ పార్టీ లా కన్పిస్తోంది ప్రజలకు. గొడవలకు మాత్రమే నిలయంలా ఉంది. ఆపార్టీ నాయకులే ఆయన(జగన్)ను దుయ్యపట్టడం కడు శోచనీయం. ఇటువంటి పరిస్థితులలో చంద్రబాబు ప్రజల అభిమానాన్ని చక్కగా నిలబెట్టుకోగలిగితే ప్రజల హృదయాలలో మకుటం లేని మహారాజులా వెలిగిపోవడం ఖాయం.

Saturday, February 27, 2016

మనిషికి ఆనందం డబ్బులోనే ఉందా?

మనిషికి కావల్సిన ఆనందాలు,సంతోషాలు కేవలం పూర్తి డబ్బులోనే లేవు.వీటిని పొందటానికి మాత్రం డబ్బు కూడా ఒకటి.ఈ మాట మీకు అర్ధం కాకపోవచ్చు.వింతగా అనిపించవచ్చు.కాని నిజం.
      మనిషి సంతోషంగా జీవించడానికి కావల్సిన వాటిలో డబ్బు  ప్రధానమైనది తప్ప..డబ్బే అన్నీ కాదు.డబ్బు ఏ కష్టఒ లేకుండా బ్రతకడానికి కావాలిగాని, కేవలం డబ్బు కోసమే బ్రతకడం ప్రారంభిస్తే అన్నీ కష్టాలే!అశాంతిమయాలే!!
      అతి అన్ని విషయాలలో ప్రమాదమే!అలాగే డబ్బు విషయంలో కూడా!
      అయితే మనిషి ఆ డబ్బు సంపాదన విషయంలో ముందుండాల్సిందే!
      హ్యాపీగా బ్రతకడానికి అతని దగ్గర డబ్బు లేకపోతే అతనికి ఏవిధమైన గుర్తింపు లేదు.సమాజంలో గౌరవం లేదు.
 ఆర్ధికబలం ఉన్నవాడికే సమాజం అండగా నిలుస్తుంది.తప్ప మంచి చెడులను బట్టి అస్సలు కాదు.
      ఎన్ని కుంభకోణాలు చేసిన నాయకుడైనా..ప్రజల మధ్య ఊరేగడం ప్రారంభిస్తే చేతులెత్తి నమష్కరిస్తుంది సమాజం.మనుష్యులను ఆ విధంగా తయారుచేస్తుంది డబ్బు.కాని వాళ్ల వ్యక్తిగత జీవితాలలో మాత్రం అలజడులు,అశాంతులు తప్ప మనశ్శాంతి మాత్రం ఉండదు.
     సరిపడే డబ్బే సంతృప్తి...అంతకు మించితే అనర్ధమే!
     నేనొకసారి కడపలో ఓ ఆధ్యత్మిక సభలోకి అతిధిగా వెళ్లినప్పుడు నా సందేశం ముగిసిన తరువాత ఓ ముస్లిం పండితుడు చక్కని కధ చెప్పాడు.
     ఆ ఊరి జమిందారు రాత్రి నిద్రపట్టక అతని ఇంటిపైన పచార్లు చేస్తున్నాడట.అయితే ఆ ఇంటికి దగ్గరలో ఉన్న చెట్టు క్రింద ఓ భిక్షగాడు దోమలు ఎంత కుడుతున్నా పట్టించుకోకుండా ఆదమర్చి నిద్రపోతున్నాడు.ఈ దృశ్యం జమిందారిగారి కంటబడింది.మనస్సులోనే అనుకున్నాడు"ఎంత విచిత్రం..నాకు గదిలో పడుకోవడానికి పరుపు,దుప్పట్లు,గదినిండా చల్లటి ఎ.సి ఉన్నా నాకు నిద్రలేదు.ఈ భిక్షగాడు చూస్తే అంత చలిలో అన్ని దోమకాట్లు మధ్య నిద్రపోతున్నాడు.
    జమిందారికి "నా బ్రతుక్కంటే నీ బ్రతుకే బాగుంది అనుకుని ఆ భిక్షగాడిని మనస్సులోనే అభినందించాడు.
 మర్నాడు ఉదయమే భిక్షగాడిని కల్సి ఓ వందరూపాయలు ఇచ్చి వచ్చాడు.
    ఆరోజు రాత్రి యధావిధిగా జమిందారుగారు తన డాబాపై తిరుగుతూ చెట్టు క్రింది భిక్షగాడు నిద్రపోకుండా దోమలను తోలుతూ కూర్చోవడం చూసాడు.జమిందారుగారు ఆశ్చర్యపోతూ డాబాపైనుండి క్రిందికి వచ్చి భిక్షగాడిని అడిగాడట ఎందుకు నిద్రపోలేదని?
    దానికి భిక్షగాడు "అయ్యా! ఉదయం మీరిచ్చిన 100రూపాయలలో 90రూపాయలు ఖర్చయింది.ఇంకా నాదగ్గర 10రూపాయలున్నాయి.వాటిని ఎవడు కొట్టేస్తాడోనని నిద్రపట్టడం లేదు బాబయ్యా అన్నాడట!
    ఏది ఏమైనా డబ్బు ప్రోగు వేతే మనిషి లక్ష్యం అయితే అతనికి మనసిక శాంతి కరువే!!  

Sunday, February 21, 2016

ప్రతి ఒక్కరూ బ్లాగ్ పఠనాసక్తిని పెంచుకోవాలి.

జ్ఞాన సముపార్జనకు బ్లాగ్ కూడా ఒక మంచి వేదికే! అన్నీ విషయాల మీద బ్లాగర్లు తమ బ్లాగులను వ్రాస్తున్నారు. ఎన్నో మంచి,మంచి బ్లాగులున్నాయి. గొప్ప బ్లాగులున్నాయి. వాటిని మనము చదవడం అలవర్చుకోవాలి. వీలయితే ప్రతి ఒక్కరూ ఒక్క బ్లాగునైనా వ్రాయడం ప్రారంభించాలి. మన అనుభవాలును, మధుర స్మృతులను వ్రాసుకోవడానికి బ్లాగనేది ఒక మంచి వేదిక.

Saturday, February 20, 2016

శక్తి యొక్క 48 సూత్రాలు.

కొందరు అధికారంతో,శక్తితో ఆడుకుంటారు.ప్రాణాంతకమైన ఒక పొరపాటువల్ల తమ శక్తి మొత్తం పోగొట్టు కుంటారు.కొందరు అవసరమైనదానికన్నా ముందుకి వెళ్లిపోతే,మరికొందరు అవసర మైనంత మేరకి కూడాముందుకు పోలేరు. కానీ అతి తక్కువమంది సరైన పనులు చేసి,ఎంతో తెలివిగా శక్తిమంతులవుతారు.
శక్తి యొక్క 48 సూత్రాలు ఆధునికయుగంలో జిత్తులని ఉపయోగించి స్వార్ధప్రయోజనాలని సాధించటానికి పనికి వచ్చే మార్గదర్శి.మీరు ఇంతవరకు కొన్న పుస్తకాలన్నిటిలోకి ఇదే ఎంతో ఆసక్తికరమైనదీ,ఉపయోగకరమైనదీ కావచ్చు.
ఈ పుస్తకాన్ని రాబర్ట్ గ్రీన్ [లాస్ ఏంజిల్] గారు రచించారు.తెలుగులోకి ఆర్.శాంతసుందరి గారు తర్జుమా చేసారు.ముఖ్యముగా ఈ పుస్తకం మనిషి జీవితంలో నెగ్గుకు రావాలంటే ఏమి చేయాలి? శిఖరంపైకి ఎలా చేరుకోవాలి? అక్కడే ఎలా ఉండాలి? వంటి ఎన్నో ప్రశ్నలకు 48సూత్రాలతో ఎంతో విడమర్చి చెప్పడం జరిగింది.నేను కేవలం 48సూత్రాలు అందిస్తాను.వాటిని జీవితంలో ఎలా ఉపయోగించుకోవాలో తెలియాలంటే మీరు ఆ పుస్తకాన్ని చదవాల్సిందే.
ప్రతి సూత్రాన్ని 1.వివేకం, 2.శక్తిని పొందే కీలకం, 3.చిత్రం [ఉదాహరణ] అనే మూడు విధాలుగా ఒకొక్క సూత్రాన్ని వర్ణించిన తీరు అద్భుతంగా వుంది.
శక్తి యొక్క 48 సూత్రాలు 
1.బాస్ ని మించినట్టు ప్రవర్తంచవద్దు
2.మిత్రులని అతిగా నమ్మవద్దు,శత్రువులని ఎలా ఉపయోగించుకోవాలో నేర్చుకోండి
3.మీ ఉద్దేశాలని దాచిపెట్టండి
4.అవసరమైన దానికన్నా తక్కువే మాట్లాడండి
5.పేరు ప్రతిష్ఠలు మీదే ఎంతో ఆధారపడి ఉంది-ప్రాణ సమానంగా కాపాడుకోండి
6.ఏది ఏమైనా సరే అందరి దృష్టిని ఆకట్టుకోండి
7.మీ పని ఇంకొకరి చేత చేయించండి,కాని పేరు ఎప్పుడూ మీకే దక్కేట్టు చూసుకోండి
8.ఇతరులని మీ దగ్గరకి రప్పించుకోండి-అవసరమైతే ఎరని ఉపయోగించండి
9.వాదనతో కాదు,మీ చేతలతోనే గెలవండి
10.అంటువ్యాధి : దురదృష్టవంతులకి దూరంగా ఉండండి.
11.ఇతరులు మీమీద ఆధారపడేలా ఎలా చేయాలో నేర్చుకోండి
12.నిజాయితీని,ఉదారతను జాగ్రత్తగా ఎంచుకోండి
13.సహాయం కోరేటప్పుడు,అవతలివారి దయనీ,కృతజ్ఞతనీ ఆశించవద్దు.
14.స్నేహితుడిలా నటించండి,గూఢచారిలా పని కానివ్వండి.
15.మీ శత్రువుని పూర్తిగా అణచివెయ్యండి
16.గౌరవాన్ని సంపాదించేందుకు అంటీముట్టనట్టుగా ఉండండి
17.అవతలివారిని ఉత్కంఠకు గురిచేయండి.ముందుగా ఊహించటానికి వీలులేని వాతావరణాన్ని సృష్టించండి.
18.ఆత్మరక్షణకోసం కోటలు కట్టుకోకండి-ఏకాంతవాసం ప్రమాదకరమైంది.
19.మీరు ఎవరితో వ్యవహరిస్తున్నారో తెలుసుకోండి-పొరపాటున తప్పుచేయని వ్యక్తికి కోపం తెప్పించకండి.
20.ఎవరికీ నిబద్ధుడై ఉండొద్దు.
21.మూర్ఖుడిగా కనిపించటంకోసం,మూర్ఖుడిలా ప్రవర్తించండి-మీ ముందున్నవ్యక్తికన్నా అమాయకుడిలా నటించండి.
22.లొంగిపోవడం అనే యుక్తిని ఉపయోగించండి:బలహీనతను శక్తిగా మార్చుకోండి.
23.మీ శక్తులన్నీ ఒకచోట కేంద్రీకరించండి.
24.పరిపూర్ణుడైన ఆస్థానికుడి పాత్ర నిర్వహించండి.
25.మిమ్మల్ని మీరు కొత్తగా సృష్టించుకోండి.
26.మీ చేతులను శుభ్రంగా ఉంచుకోండి.
27.మిమ్మల్ని ఆరాధించే అనుచరుల బృదాన్ని తయారుచేసుకునేందుకు వాళ్ల నమ్మకాన్ని సంపాదించండి.
28.ధైర్యంగా పనిలో ప్రవేశించండి.
29.చివరిదాకా పూర్తి ప్రణాళికని వేసుకోండి.
30.మీ విజయాలు సులభంగా సాధించినవన్నట్టు కనిపించనీయకండి.
31.ఇతరుల నిర్ణయాలని నియంత్రించండి. మీరు పంచే పేకముక్కలలో ఇతరులు ఆడేటట్టు చూడండి.
32.అందరూ కనే పగటికలలని సమర్ధించండి.
33.ప్రతి వ్యక్తిలోనూ ఉండే బలహీనమైన అన్శాన్ని గుర్తించండి.
34.మీ పద్ధతిలో మీరు రారాజులా ఉండండి. రాజులాగౌరవం పొందాలనుకుంటే,రాజులా పని చెయ్యండి.
35.సరైన సమయం ఎంచుకునే కళలో నిష్ణాతులు కండి.
36.మీరు పొందలేని వాటిని తిరస్కరించండి. వాటిని అలక్ష్యం చెయ్యడమే అన్నిటికన్నా ఉత్తమమైన ప్రతీకారం.
37.ఆకట్టుకునే అద్భుత దృశ్యాలని సృష్టించండి.
38.మీకిష్టం వచ్చినట్టు ఆలోచించండి,కానీ అందరిలా ప్రవర్తించండి
39.చేపల్ని పట్టేందుకు నీళ్లని కదపండి
40.ఉచితంగా లభించేవాటిని తిరస్కరించండి
41.గొప్ప వ్యక్తిని అనుకరించటం మానండి.
42.గొర్రెల కాపరి మీద దాడి చేస్తే గొర్రెలు చెదిరిపోతాయి.
43.ఇతరుల హృదయాలనీ,మనసులనీ జయించండి.
44.అద్దం చూపించి సమ్మోహితులనీ,కోపోద్రక్తులనీ చెయ్యండి
45.మార్పు అవసరమని ఉపదేశించండి,కాని ఒక్కసారిగా మరీ ఎక్కువ సంస్కరించకండి.
46.మరీ నిర్దుష్టంగా ఉన్నట్టు కనబడకండి.
47.లక్ష్యాన్ని దాటి వెళ్లకండి,గెలిచిన తరవాత ఎక్కడ ఆగాలో తెలుసుకోండి.
48.నిరాకారులుగా తయారవకండి.
***********
అవసరమైన దానికన్నా తక్కువే మాట్లాడండి.ఈ పుస్తకం నేటి ప్రంపంచంలో ప్రగతి సాధించటానికి,ముందుకు దూసుకుపోవటానికి అవసరమయ్యే వంచన,నటన,పోరాట పటిమను మీకు నేర్పుతుంది.-ఇండిపెండెంట్ ఆన్ సన్ డే
Manjul Publishing House
  www.manjulindia.com 

Monday, February 15, 2016

"సాక్ష్యం గ్రూప్" ఒక పెద్ద కంపెనీగా అవతరించాలి.

నేను 10 బ్లాగుల వరకూ క్రియేట్ చేశాను. 10 బ్లాగులకు డోమైన్స్ కూడా సెట్ చేశాను. అవ్వన్నీ కూడా "సాక్ష్యం గ్రూప్" పేరు మీద నడుపుదామనుకుంటున్నాను. ఇప్పటికే ఈ క్రింది 4బ్లాగులను రన్ చేస్తున్నాను కూడా! అయితే సమయా భావం వలన మిగతా బ్లాగులను అప్ డేట్ చెయ్యడం కష్టంగా మారింది. అయినా పర్లేదు ఒక్కో బ్లాగు ఇంత కంటెంట్ వరకూ అని టార్గెట్ పెట్టుకుని వర్కు ప్రారంభిస్తాను. "సాక్ష్యం గ్రూప్" ప్రజలలో పాపులర్ అవ్వాలన్నదే నా లక్ష్యం. ఇదొక కంపెనీ గా అవతరించాలి. ఒక ఆఫీస్ కనీసం 10 మంది స్టాప్ ఏర్పాటు చేసుకోగలగాలి. వెబ్ సైట్ల రూపంలోనూ, యూట్యూబ్ చానెళ్ల రూపంలోనూ కాక బిజినెస్ రూపంగానూ సాక్ష్యం గ్రూప్ అభివృద్ధి కావాలి. కొత్త,కొత్త ప్రొడక్ట్స్ ను మార్కెట్లోకి రిలీజ్ చేయాలి. కనీసం "సాక్ష్యం గ్రూప్" కంపెనీ సంవత్సరానికి ఒక కోటి రూపాయల టర్నోవర్ చేయగలగాలి. అంతవరకూ కృషి చేస్తాను.శుభమ్!!!

  1. SAKSHYAM TV
  2. SAKSHYAM PUBLICATIONS
  3. SAKSHYAM MAGAZINE
  4. ALL TECHBOOK


"నాన్నకు ప్రేమతో" సినిమా బాగుంది.

నిన్నరాత్రి నా మిత్రుడుతో కల్సి "నాన్నకు ప్రేమతో" సినిమాకి వెళ్ళాను. స్టోరీ వచ్చి చాలా చక్కగా చూపించారు. సినిమా అంతా లాస్ట్ 10నిమిషాల మీదే ఆధారపడియుంటుంది. విలన్ ను మట్టి కరిపించడానికి హీరో వేసే గేమ్ షోలు అదిరిపోయాయి. సినిమా అంతా మైండ్ గేమ్ ప్లానింగ్. జూనియర్ ఎన్.టి.ఆర్ కి ఓ మంచి బ్రేక్ అందించే మూవీ. సుకుమార్ డైరెక్షన్ అడుగడునా కనిపించింది. ఏది,ఏమైనా నాన్నకు ఏదైనా ప్రేమతో అందించిన ఫీలింగ్ నిజ జీవితంతో చాలా గొప్పగా ఉంటుంది.

Tuesday, February 09, 2016

ఆంధ్రాలో కుల చిచ్చు పెడుతున్నదేవరు?

తునిలో కాపు గర్జన పేరుతో జాతీయ ఎక్స్ ప్రెస్ ట్రైన్ "రత్నాచల్" ను తగులబెట్టేశారు. ఈ అసాంఘిక సంఘటనకు నేను ప్రారంభించిన ఉద్యమానికి ఏవిధమైన సంబంధం లేదని ముద్రగడ వారు ప్రకటించేశారు. పేపర్లలో,టి.వి.లలో మాత్రం దీని వెనుక జగన్ ఉన్నాడని, రాయలసీమ,హైద్రాబాద్ నుండి కొంతమంది ముసుగు రౌడీలు ప్రవేశించి ఈ ఘాతుకం చేశారని వచ్చింది. అదే నిజమైనప్పుడు జగన్ ను మళ్ళీ జైల్ గోడల మద్యకు ఎందుకు నెట్టలేదో ఆంధ్ర ప్రజలెవరికీ అర్ధం కావడం లేదు. రౌడీల ఆగమనం చూస్తుంటే రత్నాచల్ ట్రైన్ తగుల బెట్టేయాలని ముందే ప్లానింగ్ జరిగిపోయినట్టు అనిపిస్తోంది. అంటే కాపు గర్జన సభలో పాల్గొన్న రాజకీయ పెద్దలకు ముందే తెలుసేమో అన్పిస్తోంది. ఎవరేమి పన్నాగాలు పన్నినా మొత్తానికి ఆంధ్రాలో కుల చిచ్చులు రేపారు. నిజానికి ఈ కుల రాజకీయాలు ఎంతో కాలం నిలవవు. ఈ కుల రిజర్వేషన్స్ నిలవవు. వీటికి ముగింపు తప్పనిసరిగా వచ్చి తీరుతుంది. 

Thursday, February 04, 2016

దేవుడా?...దళితులు మనుషులు కారా?

ఫేస్ బుక్ లోని ఈ పోస్టు చూసి మనసంతా చలించిపోయింది. నిజానికి ఈ దిక్కుమాలిన కులాలన్నీ కేవలం ఒకరికొకరు పరిచయం,గుర్తింపు కొరకే! పెద్ద కులం,చిన్న కులం అన్న మాటలు పనికిమాలిన వెధవలు మాటలాడే మాటలు. ఆమె మన తల్లి లాంటిది కాదా? ఎలా నగ్నంగా నిలబెట్టారో చూడండి. ఆ మాతృమూర్తి తన కడుపున పుట్టిన బిడ్డతో తన మానాన్ని కప్పుకోవడం చూస్తుంటే ఛ... ఆతల్లి గుండె కోత,హృదయ వేదన ఎలా భరించగలుగుతుందో, దేవుడా? ఈ దారుణాలు ఎలా భరిస్తున్నావు?
ఫేస్ బుక్ లో వచ్చిన వివరాలు క్రింది ఇస్తున్నాను.  
మన డిజిటల్ ఇండియాలో ఒక దళిత కుటుంబానికి జరిగిన పరాభవం .... దొంగతనం జరిగింది చర్య తీసుకోండంటూ వచ్చిన ఓ దళిత కుటుంభంతో పోలీసులు దుర్మార్గంగా ప్రవర్తించారు. స్టేషన్ బైటికి గుంజుకొచ్చి నడి రోడ్డు మీద భార్య భర్తల బట్టలు ఊడదీసి కొట్టారు. ఉత్తరప్రదేశ్ లోని దన్ కౌర్ పోలీసు స్టేషన్ పరిదిలో సునీల్ గౌతమ్ అనే అతని ఇంట్లో బుధవారం నాడు రాత్రి దొంగతనం జరిగింది. ఆ విషయం పై కంప్లైంట్ ఇవ్వడానికి సునీల్ గౌతమ్, అతని భార్య మరికొందరు బందువులతో కలిసి గురువారం నాడు దన్ కౌర్ పోలీస్ స్టేషన్ కు వచ్చారు. స్టేషన్ లో ఉన్న స్టేషన్ ఆఫీసర్ ప్రవీణ్ యాదవ్ కేసు నమోదు చేయడానికి నిరాకరించాడు. దాంతో ఎందుకు కేసు నమోదు చేయరో చెప్పాలని సునీల్ కుటుంభం ప్రవీణ్ ను నిలదీసింది. అంతే.... పోలీసు అధికారి ప్రవీణ్ కు కోపమొచ్చింది. ఆగ్రహంతో ఊగిపోయాడు. అతనికి స్టేషన్ లో ఉన్న మరికొందరు పోలీసులు తోడయ్యారు. డ్రస్సులో ఉన్న పోలీసులు, డ్రస్సుల్లో లేని పోలీసులు అందరూ కలిసి ఒక్క సారి సునీల్ కుటుంభ సభ్యులు, బందువుల మీద పడ్డారు. కొట్టుకుంటూ రోడ్డుమీదికి ఈడ్చుకొచ్చారు. సునీల్ భార్య చీరను లాగి పడేశారు. బట్టలు చించేశారు. అడ్డుపోయిన సునీల్ బట్టలు కూడా చించి పడేశారు. అడ్డుకున్న బందువులను చితక్కొట్టారు. స్టేషన్ హౌస్ ఆఫీసర్ ప్రవీణ్ ʹఎఫ్ ఐ ఆర్ రాయాల్నా వద్దా అనేది నా ఇష్టం నన్నే ప్రశ్నిస్తారా ʹ అని బూతులు తిట్టుకుంటూ నగ్నంగా ఉన్న సునీల్ ను అతని భార్యను రోడ్డు మీద ఈడ్చుకుంటూ కొట్టాడు. వందలాది లాది మంది చూస్తుండగా ఇంతటి దుర్మార్గానికి ఒడిగట్టిన పోలీసులు అంతటితో ఊరుకోకుండా సునీల్ పై, అతని భార్యపై, బందువులపై క్రిమినల్ కేసులు బనాయించి జైలుకు పంపారు. ఈ దుర్మార్గం జరుగుతుండగా అక్కడే ఉన్న ఓ వ్యక్తి తన సెల్ ఫోన్ లో ఈ సంఘటనను చిత్రీకరించి యూట్యూబ్ లో పెట్టాడు. ఈ దాడి సంఘటనపై జర్నలిస్టులు ప్రవీణ్ యాదవ్ ను ప్రశ్నిస్తే అసలు అలాంతి వేమీ జరగలేదని. సునీల్ కుటుంభమే పోలీసులపై దాడికి ప్రయత్నించిందనిఅందుకే వారందరి పై క్రిమినల్ కేసులు పెట్టామని చెప్పాడు. పోలీసులకు కథలు చెప్పడం మామూలే కానీ విజువల్స్ నిజాలు మాట్లాడుతాయి కదా !

Wednesday, February 03, 2016

చౌదరులను BCలో జాయిన్ చేసి ప్రత్యేక రిజర్వేషన్లు కల్పించాలి.

మిగతా కులాలలోనే పేదవాళ్లు ఉన్నారా? చౌదరుల (కమ్మ జాతుల)లో లేరా? చౌదరులలో ఎంతో మంది ఆకలికి అలమటిస్తూ ఉన్నారు. ఒకపూట ఉంటే మరొక పూట గడవని ఎన్నో దయనీయ కుటుంబాలు నిలువ నీడ లేకుండా బ్రతుకీడుస్తున్నాయి. రాష్ట్ర వ్యాప్తంగా లెక్క వేస్తే మిగతా కులాలలో మాదిరిగానే ఈ చౌదరులలో కూడా పేదవారు ఉన్నారు. వీరికి కూడా రిజర్వేషన్లు కల్పిస్తే పోలా? మళ్ళీ వీళ్ళ ఉద్యమాలు కూడా చూడాలా ఏమిటి? కేంద్ర,రాష్ఠ్ర ప్రభుత్వాలు తక్షణమే స్పందించి ప్రత్యేక రాయితీలతో రిజర్వేషన్లు కల్పించాలి. లేక పోతే రాష్ఠ్ర వ్యాప్తంగా స్పందిస్తాము. రైళ్లను గాని, బస్సులను గాని ఆఖరికి సైకిళ్ళను కూడా తిరగనీయం. రాష్ట్రమంతా బైఠాయించి కూర్చుంటాము. అవసరమైతే చట్టాలను మార్చైనా సరే చౌదరులకు రిజర్వేషన్లు కలిపించవల్సిందే!.అన్ని కులాలకు  రిజర్వేషన్లు కల్పిస్తూ చౌదరుల కులాలను అణగదొక్కడం అమానుషం. దీనిని ప్రత్యేకంగా ఖండిస్తున్నాము. మాకు ప్రత్యేక రిజర్వేషన్లు కల్పించే వరకూ మేము విశ్రమించేది లేదు.మాకు తక్షణమే రిజర్వేషన్లు కల్పించాలి.
Related Posts Plugin for WordPress, Blogger...